என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "தி நகர்"
- உஸ்மான் சாலை மேம்பாலம் கடந்த ஆண்டு டிசம்பர் மாதம் மூடப்பட்டது.
- பாலத்தில் 80 கார்கள், 1000 பைக்குகள் வரை நிறுத்த முடியும் என தெரிவிக்கப்பட்டுள்ளது.ஓ
தீபாவளி பண்டிகைக்கு இன்னும் சில நாட்களே உள்ள நிலையில், தி.நகர் உள்ளிட்ட கடை வீதிகளில் விற்பனை படுஜோராக உள்ளது.
வழக்கம்போல தி.நகரில் தினமும் மக்கள் குவிந்து வருகின்றனர். இதனால், கடும் போக்குவரத்து நெரிசலும் ஏற்பட்டுள்ளது.
வாகனங்களில் வரும் மக்கள், வாகனங்களை பல கிலோ மீட்டருக்கு வெளியேவிட்டு நடந்து செல்லும் நிலை ஏற்பட்டுள்ளது.
இந்நிலையில், பொது மக்களுக்கு வசதியாகவும், தீபாவளி கூட்ட நெரிசலையொட்டியும் பல மாதங்களாக மூடப்பட்டுள்ள உஸ்மான் சாலை மேம்பாலத்தில் வாகனங்களை நிறுத்த அனுமதிக்கப்பட்டுள்ளது.
உஸ்மான் சாலை மேம்பாலம் கடந்த ஆண்டு டிசம்பர் மாதம் மூடப்பட்டது. இந்த பாலத்தில் 80 கார்கள், 1000 பைக்குகள் வரை நிறுத்த முடியும் என தெரிவிக்கப்பட்டுள்ளது.
சென்னை:
மதுரை மேலூரை சேர்ந்த மாணவர், ஷாருக்கான். இவர் மதுரையில் உள்ள மத்திய அரசு தொழில் நுட்ப கல்லூரியில் படித்து வந்தார்.
இந்த கல்லூரி தொடர்பான விழா கடந்த சில தினங்களாக சென்னையில் நடந்து வருகிறது. இதில் கலந்து கொள்வதற்காக ஷாருக்கான் சென்னை வந்தார்.
சென்னை தி.நகர் நடேசன் பூங்காவின் பின்புறம் உள்ள ஒரு அடுக்கு மாடி குடியிருப்பில் தங்கி இருந்தார். இங்கிருந்து தினமும் கல்லூரி விழாவுக்கு சென்று வந்தார்.
இந்த நிலையில், இன்று அதிகாலை மாணவர் ஷாருக்கான், அவர் தங்கி இருந்த அடுக்குமாடி குடியிருப்பின் 3-வது மாடியில் இருந்து கீழே குதித்தார். ரத்த வெள்ளத்தில் துடிதுடித்த அவர் அதே இடத்தில் பரிதாபமாக இறந்தார்.
இதுகுறித்து தி.நகர் போலீசார் வழக்கு பதிவு செய்தனர். தற்கொலைக்கான காரணம் என்ன என்பது குறித்து விசாரணை நடந்து வருகிறது. மாணவர் ஷாருக்கான் தற்கொலை குறித்து மதுரையில் உள்ள உறவினர்களுக்கு தகவல் தெரிவிக்கப்பட்டது. அவர்கள் சென்னை வருகிறார்கள்.
தீபாவளி பண்டிகைக்கு இன்னும் 3 நாட்களே உள்ளதால் சென்னையில் உள்ள பிரபல ஜவுளி மற்றும் நகைக்கடைகளில் கூட்டம் அலைமோதுகிறது.
இன்று முதல் தீபாவளி பண்டிகை வரை தொடர்ந்து 4 நாட்கள் விடுமுறை விடப்பட்டுள்ளது. பள்ளி, கல்லூரிகள் அனைத்திற்கும் விடுமுறை விடப்பட்டதால் தீபாவளி துணிமணிகள் வாங்க மக்கள் குவிந்தனர்.
சென்னை தி.நகரில் உள்ள ரெங்கநாதன் தெரு, பாண்டிபஜார் உள்ளிட்ட அனைத்து முக்கிய விதிகளும் மக்கள் கூட்டத்தால் நிரம்பி வழிகின்றன. குடும்பம் குடும்பமாக மக்கள் பஸ், ரெயில்களில் பயணம் செய்து இறுதி கட்ட கொள்முதலில் ஈடுபட்டு வருகின்றனர்.
2 நாட்கள் மழை இல்லாமல் இருந்ததால் தீபாவளி விற்பனை மும்முரமாக இருந்தது. ஜவுளி மட்டுமின்றி வீட்டிற்கு தேவையான எலக்ட்ரானிக் பொருட்கள், தங்க நகைகள் உள்ளிட்ட பொருட்கள் வாங்க தி.நகரை நோக்கி மக்கள் படையெடுக்கிறார்கள். சிறிய சிறிய துணிக்கடைகள், பிளாட்பார கடைகளிலும் மக்கள் கூட்டம் அதிகமாக உள்ளது.
நகை, ஜவுளி, எலக்ட்ரானிக் பொருட்கள் விற்பனையாளர்கள் போட்டி போட்டுக் கொண்டு சலுகைகளை அறிவித்து உள்ளதால் ஒவ்வொரு கடைகளிலும் கூட்டம் நிரம்பி காணப்படுகின்றன. தற்போது அரசு நிறுவனங்களுக்கு போனஸ் அறிவிக்கப்பட்டு இருப்பதால் தீபாவளி ஜவுளி வாங்குவதற்காக சாரை சாரையாக தி.நகர் மட்டுமின்றி புரசைவாக்கம், வண்ணாரப்பேட்டை, பாரிமுனை, அண்ணாநகர், பெரம்பூர், வேளச்சேரி உள்ளிட்ட பகுதிகளில் மக்கள் கூட்டம் திரண்டு வருவதால் போலீசார் கூடுதலாக நியமிக்கப்பட்டுள்ளனர்.
தீபாவளி நெரிசலை பயன்படுத்தி சமூக விரோதிகள், பிக்பாக்கெட் திருடர்கள் கைவரிசை காட்டக்கூடும் என்பதால் பாதுகாப்பு முன் ஏற்பாடுகள் சென்னை மாநகர போலீஸ் கமிஷனர் ஏ.கே.விஸ்வநாதன் உத்தரவின் பேரில் நகரம் முழுவதும் செய்யப்பட்டுள்ளன. பிரதான வணிக நிறுவனங்கள், கடைகள் நிறைந்த பகுதியான தி.நகரில் மட்டும் 500 போலீசாரும் 100 ஆயுதப் படை போலீசாரும் குவிக்கப்பட்டுள்ளனர். ஒவ்வொரு வீதியிலும் பாதுகாப்பு பணியில் ஈடுபட்டு தீவிரமாக கண்காணித்து வருகிறார்கள்.
மேலும் கண்காணிப்பு கேமராக்கள், ஹெலிகேம் மூலமும் பிக்பாக்கெட் திருடர்கள் கண்காணிக்கப்படுகிறார்கள். மக்கள் கூட்டம் அதிகமுள்ள பகுதியில் போலீசார் கட்டுப்பாட்டு அறையில் இருந்து கடை விதியை கண்காணிக்கிறார்கள்.
பாரிமுனை, வண்ணாரப்பேட்டை, தாம்பரம், புரசைவாக்கம் போன்ற பகுதியிலும் போலீசார் குவிக்கப்பட்டுள்ளனர். போக்குவரத்து நெரிசல் இல்லாமல் வாகனங்கள் செல்லவும் போலீசார் பாதுகாப்பு பணியில் ஈடுபட்டுள்ளனர். சென்னையில் தீபாவளி பாதுகாப்பு பணியில் 3 ஆயிரம் போலீசார் ஈடுபட்டுள்ளனர்.
கோயம்பேடு பஸ் நிலையத்தில் இருந்து பயணிகள் பாதுகாப்பாக பயணம் மேற்கொள்ள வசதியாக விரிவான ஏற்பாடுகளை செய்துள்ளனர். பஸ் நிலையத்தில் பயணிகள் கூட்டம் அதிகமாக இருப்பதால் பாதுகாப்பு பணியில் 700 போலீசார் ஈடுபட்டுள்ளனர்.
ஆம்னிபஸ்கள், அரசு பஸ்கள் கோயம்பேடு பகுதியில் இருந்து பல்வேறு நகரங்களுக்கு புறப்பட்டு சென்றதால் நேற்றிரவு கடுமையான போக்குவரத்து நெரிசல் ஏற்பட்டது. வட பழனி 100 அடி சாலை, மதுர வாயல் சாலை, பூந்தமல்லி சாலை உள்ளிட்ட முக்கியமான சாலைகளில் நெரிசல் ஏற்பட்டது.
கோயம்பேட்டில் இருந்து மதுரவாயல் வரை போக்குவரத்து நெரிசல் இல்லாமல் வாகனங்கள் செல்ல 100-க்கும் மேற்பட்ட போலீசார் குவிக்கப்பட்டுள்ளனர்.
கோயம்பேடு பஸ் நிலையத்தில் திருடர்களை கண்காணிப்பு கேமராக்கள் மூலம் கண்காணித்து வருகின்றனர். பஸ் நிலையம் முழுவதும் போலீசார் இரவு பகலாக ரோந்து பணியில் ஈடுபட்டுள்ளனர். #Diwali
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
